Termiz shahridagi 16-sonli davlat maktabgacha ta’lim tashkilotida “Ilm yo‘li” dasturi doirasida viloyat o‘quv-amaliy seminari bo‘lib o‘tmoqda. Tadbir maktabgacha ta’lim tizimida faoliyat yuritayotgan pedagoglarni birlashtirib, bolalarni har tomonlama rivojlantirish va maktabga puxta tayyorlash masalalariga bag‘ishlandi.
Seminar davomida bolalarning intellektual, jismoniy va ijtimoiy rivojini ta’minlash, mustaqil fikrlash va ijodiy qobiliyatlarni shakllantirish, shuningdek, zamonaviy pedagogik yondashuvlarni qo‘llash masalalari muhokama qilinmoqda.
