O‘tgan yillar davomida davlatimiz rahbari tomonidan yurtimizda farzandlarimizning ilm olishlari uchun ko‘plab amaliy ishlar amalga oshirildi. Birgina Bandixon tumanida 2020-yilda 2 ta davlat maktabgacha ta’lim tashkiloti (DMTT) mavjud bo‘lib, bog‘cha yoshidagi bolalarning qamrovi bor-yo‘g‘i 4,9 foizni tashkil etgan.
O‘tgan davr mobaynida 15 ta DMTT hamda 2 ta DXSH qurilib foydalanishga topshirildi. 78 ta oilaviy bog‘chalar tashkil etilib, qamrov darajasi 82,3 foizga yetkazildi. Ayni kunlarda tumandagi “Chinor” mahallasida umumiy qiymati 4,5 milliard so‘m bo‘lgan 120 o‘rinli yangi davlat maktabgacha ta’lim tashkiloti qurilib foydalanishga topshirilish arafasida. Yangi bog‘cha mahalla ahliga haqiqiy xursandchilik va katta qulaylik tug‘diradi.
