Yangi yil bayrami kunlarida aholini energiya va kommunal resurslar bilan barqaror ta’minlash maqsadida Surxondaryo viloyatida barcha xizmatlar kuchaytirilgan tartibda faoliyat olib boradi. Bu haqda viloyat hokimi Ulug‘bek Qosimov Maxsus shtab yig‘ilishida ma’lum qildi.
Yig‘ilishda elektr energiyasi, tabiiy va suyultirilgan gaz, ichimlik suvi ta’minoti hamda “metan” shoxobchalarining uzluksiz ishlashini ta’minlash masalalari muhokama qilindi. Hududiy shtablar navbatchilik asosida faoliyat yuritib, yuzaga kelishi mumkin bo‘lgan nosozliklarni tezkor bartaraf etish vazifasi belgilandi.
Shuningdek, bayram archalari o‘rnatilgan joylarda jamoat xavfsizligi va tartibni ta’minlash, ommaviy tadbirlarni xavfsiz o‘tkazish bo‘yicha kuch tuzilmalariga tegishli ko‘rsatmalar berildi.
