2026-yil 1-yanvardan boshlab Openbudget.uz portalida yangi modul ishga tushirildi. Endilikda fuqarolar daromad, yer va mol-mulk soliqlari hisobidan davlat byudjeti mablag‘lari qaysi yo‘nalishlarga sarflanganini onlayn tarzda ko‘rish imkoniyatiga ega bo‘ldi.
Mazkur modul orqali ushbu soliqlar tushumlari asosida amalga oshirilgan qariyb 70 ta xarajat yo‘nalishi haqida ma’lumot olish mumkin. Tizimdan foydalanish uchun OneID orqali kirish talab etiladi. Yangi imkoniyat davlat byudjeti xarajatlarining ochiqligi va shaffofligini ta’minlashga xizmat qiladi.
