Prezident topshirig‘iga muvofiq, 17 yoshgacha bo‘lgan 8 ming nafardan ortiq yetim va ota-ona qaramog‘idan mahrum bo‘lgan bolalar uchun omonat depozit hisobvaraqlari ochildi. Har bir hisobvaraqa davlat tomonidan 500 AQSH dollari miqdorida mablag‘ joylashtirildi. Ushbu mablag‘lar kapitalizatsiya asosida yildan yilga jamg‘arilib boradi va bola 18 yoshga to‘lgach, undan foydalanish imkoniyatiga ega bo‘ladi.
Shuningdek, 9 yoshdan yuqori bo‘lgan bolalar va ularning qonuniy vakillariga ijtimoiy kartalar berildi. Mazkur kartalar orqali imtiyozli transportdan foydalanish, to‘lovlarni amalga oshirish hamda ijtimoiy yordam va xizmatlarni olish mumkin. Barcha jarayonlar “Baraka” mobil ilovasi orqali shaffof tarzda nazorat qilinadi.
