Muzrabot tumanidagi “Yakkatol” mahalla fuqarolar yig‘ini uchun yangidan qurilgan zamonaviy bino foydalanishga topshirildi. Yangi mahalla binosi aholiga sifatli va qulay xizmat ko‘rsatish maqsadida zamonaviy mebel va texnik jihozlar bilan to‘liq ta’minlandi.
Tantanali ochilish marosimida tuman hokimi Abdulla Mamatqulov, tegishli tashkilotlar mas’ullari, oqsoqollar hamda mahalla faollari ishtirok etdilar. Tadbirda ramziy lenta kesilib, mahalla binosida fuqarolar bilan ishlash uchun yaratilgan sharoitlar o‘rganildi.
Mazkur loyiha aholining murojaatlarini joyida va tezkor hal etish, mahalla institutining jamiyatdagi rolini kuchaytirish hamda fuqarolarga yanada keng qulayliklar yaratishga xizmat qiladi.
Tadbir doirasida mahalla binosi hududida manzarali daraxt ko‘chatlari ekildi.
