O‘zbekiston Respublikasi Prezidentining 2024-yil 5-sentabrdagi “Davlat tibbiy sug‘urtasi mexanizmlarini joriy etishga oid chora-tadbirlar to‘g‘risida”gi PQ-311-sonli qarori ijrosini ta’minlash maqsadida Qumqo‘rg‘on tuman tibbiyot birlashmasi moddiy-texnika bazasini mustahkamlash bo‘yicha amaliy choralar ko‘rilmoqda.
Xususan, tuman hokimligi tomonidan tuman tibbiyot birlashmasiga 80 dona zamonaviy kompyuter jamlanmalari ajratilib, tibbiyot muassasalari xodimlariga topshirildi.
Mazkur texnik vositalar tibbiyot muassasalarida raqamlashtirish jarayonlarini kengaytirish, elektron hujjat aylanishini yo‘lga qo‘yish hamda tibbiy xizmatlar sifatini oshirishga xizmat qiladi.
