Muzrabot tumanida joylashgan 3-sonli umumta’lim maktabining 180 o‘rinli o‘quv binosida qurilish ishlari izchil davom ettirilmoqda.
Ma’lumki, mazkur maktabning asosiy o‘quv binosi qurilishi ma’lum muddatga to‘xtab qolgan edi. Tuman hokimining tashabbusi va qat’iy nazorati asosida ushbu qurilish ishlari qayta tiklanib, bugungi kunda belgilangan reja asosida amalga oshirilmoqda.
Hozirda pudratchi tashkilot — «CHIROY-MUZRABOT QURILISH» XK tomonidan 1 milliard 428 million so‘m mablag‘ evaziga maktab binosining tashqi fasadini yangilash hamda ichki suvoq ishlari olib borilmoqda.
Shuningdek, Muzrabot tumanida “Tashabbusli budjet”ning 2025-yil 2-mavsum loyihalari doirasida ijtimoiy soha obyektlarini rivojlantirishga qaratilgan ishlar ham bosqichma-bosqich amalga oshirilmoqda.
Amalga oshirilayotgan mazkur ishlar ta’lim muassasalarining moddiy-texnik bazasini mustahkamlash, o‘quvchilar uchun zamonaviy va qulay shart-sharoitlar yaratishga xizmat qiladi.
