Qirg‘izistonning O‘sh shahrida buyuk shoir va mutafakkir Alisher Navoiy haykalining tantanali ochilish marosimi bo‘lib o‘tdi. Haykal Qurmandjan Datka va Navoiy ko‘chalari kesishgan joyda o‘rnatildi.
Tadbirda O‘zbekiston madaniyat vaziri Ozodbek Nazarbekov, Andijon viloyati hokimi Shuhrat Abdurahmonov, O‘sh shahar hokimi Jenishbek Toktorbayev hamda Qirg‘izistonning yuqori vakillari va shahar aholisi ishtirok etdi.
O‘shda Alisher Navoiy nomini olgan dam olish bog‘i, maktab va ko‘cha faoliyat yuritib kelmoqda. Haykal ochilishi Qirg‘iz va O‘zbekiston xalqlari do‘stligi va madaniy merosga bo‘lgan hurmat ramzi sifatida baholandi.
