Ombudsman tashabbusi bilan viloyat Ayollarni reabilitatsiya qilish va moslashtirish markazida “Huquqiy yordam avtobusi” tadbiri o‘tkazildi.
Tadbirda zo‘ravonlikdan jabrlangan 11 nafar ayolning murojaatlari o‘rganilib, ularga huquqiy va psixologik yordam ko‘rsatildi. Davlat tomonidan ayollarni qo‘llab-quvvatlash bo‘yicha imkoniyat va imtiyozlar tushuntirildi.
Uchrashuvda viloyat mutasaddilari, Senat a’zosi, Ombudsmanning mintaqaviy vakili, ichki ishlar, bandlik va ijtimoiy himoya tizimi vakillari hamda psixologlar ishtirok etdi. Mavjud muammolar va ularni hal etish yo‘llari yuzasidan amaliy muloqot olib borildi.
