Termiz shahrida turizm obyektlari va infratuzilmasini rivojlantirish borasidagi ishlar o‘rganildi. Viloyat hokimi Ulug‘bek Qosimov uch yulduzli mehmonxona qurilishi, bo‘sh turgan 11 gektar hududda turizm kompleksi va ishlab chiqarish zonasini tashkil etish bo‘yicha loyihalarni ko‘zdan kechirdi.
Ko‘chmas mulk egalari bilan loyihalar muhokama qilinib, ularni takomillashtirish, infratuzilmadan samarali foydalanish bo‘yicha topshiriqlar berildi.
Shuningdek, Jahon banki ishtirokidagi Boysun tumanidagi Omonxona turizm qishlog‘ini rivojlantirish loyihasi taqdimoti ham o‘tkazilib, mehmonlar uchun sharoitlarni yanada yaxshilashga doir vazifalar belgilandi.
