Surxondaryo viloyatida atmosfera havosini muhofaza qilish, chang va zararli zarrachalar miqdorini kamaytirish bo‘yicha amaliy ishlar yanada jadallashmoqda. Aholi salomatligini himoya qilishni maqsad qilgan ushbu ekologik tashabbuslar doirasida Termiz shahri bo‘ylab keng ko‘lamli suv sepish aksiyasi o‘tkazildi.
Tadbir davomida asosiy ko‘chalar, yo‘l bo‘ylari va yashil hududlarda muntazam suv sepish yo‘lga qo‘yilib, chang ko‘tarilishining oldi olinmoqda. Bu esa nafaqat havoni tozalashga, balki transport vositalaridan chiqayotgan zararli moddalarning ta’sirini kamaytirishga ham xizmat qilmoqda.
Hududda amalga oshirilayotgan bunday tashabbuslar shahar ekologik muhitini yaxshilash, aholiga qulay va sog‘lom yashash sharoitlarini yaratishda muhim qadam bo‘lib xizmat qilmoqda.
