“Prezident Olimpiadasi” sport musobaqasining og‘ir atletika yo‘nalishida navbatdagi bellashuvlar muvaffaqiyatli yakunlandi. Qizlar o‘rtasidagi -71 kg vazn toifasida surxondaryolik Durdona Nortojiyeva barcha raqiblaridan ustun kelib, oltin medalni qo‘lga kiritdi.
Shuningdek, erkaklar o‘rtasida -67 kg vazn toifasida o‘tgan bahslarda ham Surxondaryo viloyati vakili Toxir Turobov yuqori natija qayd etib, musobaqa chempioniga aylandi.
Surxondaryolik atletlarimizning ushbu yutuqlari hududimiz sport salohiyatining yuksalib borayotganidan dalolat beradi.
