Termiz shahar hokimligi va Yoshlar ishlari agentligi tomonidan yoshlarning jismoniy tayyorgarligi hamda vatanparvarlik ruhini oshirish maqsadida “PAINTBALL” harbiy-sport musobaqasiga start berildi. Unda shahar hududidagi 4 sektordan tuzilgan, har biri 5 nafardan iborat jamoalar 20–25 yoshli ishtirokchilar bilan bellashdi.
Musobaqa jarayonlari chaqqonlik, jamoada ishlash va strategik fikrlashni talab etgan holda yuqori ruhda o‘tdi. Yakunda 1-o‘rin “Navro‘z” mahallasining “Shunqorlar” jamoasiga nasib etdi. G‘oliblar diplom va esdalik sovg‘alari bilan taqdirlandi.
Tadbir yoshlarning sportga qiziqishini oshirish, bo‘sh vaqtini mazmunli o‘tkazish va sog‘lom turmush tarzini targ‘ib etishga xizmat qildi.
