Termiz shahrida turizm infratuzilmasini kengaytirish maqsadida qurilayotgan “uch yulduzli” mehmonxonalar loyihalari Surxondaryo viloyati hokimi Ulug‘bek Qosimov tomonidan o‘rganildi. “Termiz-Toshkent hamkor” MCHJ va “Universal argalit” MCHJ tomonidan barpo etilayotgan obyektlarda qurilish jarayonlari, mavjud muammolar hamda ularni bartaraf etish choralariga alohida e’tibor qaratildi.
Uchrashuv davomida mehmonxonalar atrofida xizmatlar qulayligini oshirish, turizm infratuzilmasini rivojlantirish va servis turlarini kengaytirish bo‘yicha tegishli topshiriqlar berildi. Turizm sohasidagi bunday loyiha va tashabbuslar hududda yangi ish o‘rinlari yaratish hamda sayyohlar uchun qulay sharoitlarni ta’minlashga xizmat qiladi.
