Surxondaryo viloyati hokimi Ulug‘bek Qosimov Krasnoyarsk o‘lkasidan tashrif buyurgan rasmiy delegatsiyani qabul qildi. Uchrashuv O‘zbekiston va Rossiya o‘rtasida izchil rivojlanib borayotgan strategik sheriklik hamda hududlararo aloqalarni yanada mustahkamlash maqsadida tashkil etildi.
Tomonlar savdo-iqtisodiy soha, yengil sanoat, qishloq xo‘jaligi va turizm yo‘nalishlaridagi o‘zaro hamkorlikni kengaytirish masalalarini ko‘rib chiqdi. Qo‘shma loyihalarni yo‘lga qo‘yish, ishbilarmonlar o‘rtasida to‘g‘ridan-to‘g‘ri aloqalarni kuchaytirish va tajriba almashishni faollashtirish bo‘yicha kelishuvlarga erishildi.
