Surxon vohasining bebaho merosi bo‘lgan baxshichilik san’atini rivojlantirish va yosh avlodga yetkazish bo‘yicha amalga oshirilayotgan ishlar Termiz shahrida o‘rganildi. Viloyat hokimi Ulug‘bek Qosimov “Baxshichilik maktabi”ga tashrif buyurib, ustoz baxshilar va yosh ijodkorlar bilan uchrashdi.
Uchrashuvda sohadagi muammolar, rivojlantirish rejalari hamda takliflar muhokama qilinib, aniq vazifalar belgilandi. Shuningdek, madaniyat boshqarmasi tomonidan joylarda konsert va madaniy tadbirlarni kengaytirish bo‘yicha taqdimot o‘tkazildi.
Ushbu tashrif baxshichilik san’ati va umuman madaniyat sohasini yanada qo‘llab-quvvatlashga xizmat qilishi ta’kidlandi.
