Termiz shahridagi Yoshlar markazida Zulfiya nomidagi Davlat mukofoti tanlovining viloyat bosqichi bo‘lib o‘tdi. Tadbir viloyat hokimi o‘rinbosari, Oila va xotin-qizlar boshqarmasi boshlig‘i Zulxumor Xidirovaning kirish so‘zi bilan boshlandi. U o‘z nutqida iste’dodli, ijodkor, ilmga chanqoq va faol qizlarni qo‘llab-quvvatlashda mazkur tanlovning o‘rni beqiyos ekanini alohida ta’kidladi hamda ishtirokchilarga omad tiladi.
Hududiy bosqichlarda oʻz yo‘nalishlarida iqtidorini namoyon etgan nomzodlar viloyat bosqichiga bor mahoratlarini namoyon etdilar. Yakunda esa oltinsoylik Muxlisa Turopova munosib tarzda 1-o‘rinni egallab, tanlovning respublika bosqichiga yo‘llanmani qo‘lga kiritdi.
