Ayni kunlarda Surxondaryo viloyatida havodagi past bosimli massa va yog‘ingarchilikning kamayishi sababli mayda chang zarrachalari ko‘paymoqda. Aholi salomatligini himoya qilish va havo sifatini yaxshilash maqsadida viloyat hokimligi tomonidan amaliy chora-tadbirlar izchil olib borilmoqda.
Markaziy ko‘chalarda maxsus texnika yordamida suv sepish, daraxtlarni yuvish va favvoralarni doimiy ishlatib turish ishlari yo‘lga qo‘yildi. Ushbu tashabbuslar insonlar salomatligini saqlash, kundalik hayotni qulay qilish va ekologik barqarorlikni ta’minlashga qaratilgan.
Mazkur tadbirlar viloyatning barcha hududlarida davomli tarzda amalga oshirilmoqda.
