Termiz shahrida “Faol hayotga qadam” dasturi doirasida navbatdagi ezgu tashabbus amalga oshirildi. Kunduzgi qatnovdan foydalangan keksalarimiz saxovatli tadbirkorning yordami bilan Samarqand shahriga sayohatga yuborildi.
Ushbu tashabbus ularning kundalik hayotiga yangi kayfiyat, ijobiy ruh va munosib hurmat bag‘ishlashga qaratilgan. Safar davomida keksalarimiz tarixiy maskanlar bilan tanishib, maroqli dam olishmoqda, yangi taassurotlar orttirib qaytadi.
Bu kabi tadbirlar nafaqat yoshi ulug‘ insonlarimizni quvontiradi, balki jamiyatimizda mehr-oqibat va e’tibor muhiti yaratishda muhim ahamiyat kasb etadi.
