Yurtimizda isitish mavsumi oldidan ehtiyojmandlarga ko‘mak ko‘rsatish maqsadida Prezident qaroriga asosan aholiga 1 million so‘mdan bir martalik moddiy yordam tarqatildi. Surxondaryo viloyatida 130 mingdan ortiq fuqaro ushbu yordamni qabul qilib oldi va bu jarayon uchun 130 milliard so‘m yo‘naltirildi.
Mahallalarda ijtimoiy xodimlar yordam pullaridan maqsadli foydalanish, ayniqsa, gazlashmagan hududlarda yonilg‘i mahsulotlarini vaqtida jamg‘arish bo‘yicha targ‘ibot ishlarini olib bormoqda.
— Termiz tumanida esa 4 671 ta oilaga moddiy yordam tayinlangan. Nogironligi bo‘lgan fuqarolar — Matluba Yo‘ldosheva va G‘afforjon Mirkomilov — ajratilgan mablag‘dan tejamkor foydalanib, energiya sarfini kamaytirish va yonilg‘idan samarali foydalanish choralarini ko‘rmoqda.
Shuningdek, tumanda tabiiy gaz bo‘lmagan hududlarda aholiga ko‘mir xaridi uchun shartnomalar berilmoqda.
Kuz–qish mavsumiga tayyorgarlik jarayoni reja asosida davom etmoqda.
