Termiz tumanida Surxon vohasi olim va yosh tadqiqotchilari tomonidan ishlab chiqilgan ilmiy loyihalar taqdimoti bo‘lib o‘tdi. Tadbirda viloyat hokimi Ulug‘bek Qosimov ishtirok etib, qishloq xo‘jaligida samaradorlikni oshirish, suv resurslarini tejash va barqaror hosildorlikka erishish yo‘nalishidagi ishlanmalar bilan tanishdi.
Taqdimotda anor, zaytun, olcha yetishtirish hamda ekinlarni to‘qsonbosti usulida parvarishlash bo‘yicha loyihalar muhokama qilinib, ularning hudud sharoitiga moslashtirish masalalari ko‘rib chiqildi. Viloyat rahbari olimlarga iqlim o‘zgarishlarini inobatga olib, yuqori hosildor ekin navlarini yaratish bo‘yicha tavsiyalar berdi.
Shuningdek, “Getwork” agentligi tomonidan “Work and Travel” dasturi taqdim etilib, talabalarni xorijda mavsumiy ishlarga jalb etish imkoniyatlari haqida ma’lumot berildi.
