Surxondaryoda Prezident tashabbusi bilan amalga oshirilayotgan yirik “To‘palang” suv omboridan suv tortish loyihasi doirasida Termiz shahridagi suv ta’minoti tizimini yangilash ishlari jadallik bilan davom etmoqda.
Viloyat hokimi Ulug‘bek Qosimov Termiz shahri Tinchlik mahallasida joylashgan “Shimoliy darvoza” suv ishlab chiqarish inshootida bo‘lib, “O‘zsuvta’minot” AJ boshqaruvi raisi Ahmad Suvankulov bilan loyihaning amalga oshirilish jarayonini ko‘zdan kechirdi.
Tadbir davomida tarmoqlarni sifatli va belgilangan muddatlarda qurish, bosqichma-bosqich ishga tushirish bo‘yicha aniq topshiriqlar berildi. Shuningdek, viloyat rahbari Turon mahallasida barpo etilayotgan ko‘p qavatli turar joylar, Ichki ishlar bo‘limi binosi hamda “Termiz daryo porti” faoliyati bilan tanishib, qurilish va xizmat ko‘rsatish jarayonlarini yanada takomillashtirish yuzasidan tavsiyalar berdi.
