O‘quvchilarning sport bilan shug‘ullanishlari, musobaqalarga tayyorgarlik ko‘rishlari va sog‘lom turmush tarzini shakllantirishlari uchun barcha sharoitlar mavjud. Sho‘rchi tumanidagi 122-maktab internatiningi sport zali ta’mirlanib, foydalanishga topshirildi.
Jismoniy tarbiya va sportni rivojlantirish, yoshlarni sog‘lom turmush tarziga jalb etishga xizmat qiladigan ushbu sport zali zamonaviy talablarga javob beradigan inshoot bo‘lib, bu yerda o‘quvchilar turli sport turlari bilan shug‘ullanishmoqda, — deydi maktab internati direktori Bahrom Hakimov. — Zamonaviy jihozlar bilan ta’minlangan zalda o‘quvchilarimiz kurash, stol tennisi, badiiy gimnastika, shaxmat-shashka bilan shug‘ullanishmoqda.
Albatta, mazkur imkoniyatlar o‘quvchilarning sog‘lom turmush tarziga amal qilishlariga, jismoniy qobiliyatlarini rivojlantirishga va sportda yangi yutuqlarga erishishlariga xizmat qiladi.
