Termiz shahridagi “Etno shaharcha” hududida milliy madaniyatimizning qadimiy yo‘nalishlarini asrash va rivojlantirish maqsadida “Do‘mbira ustaxonasi” hamda “Baxshichilik ekspozitsiyasi” faoliyati yo‘lga qo‘yilmoqda.
Ushbu tashabbus O‘zbekiston Respublikasi Prezidentining 2018-yil 19-dekabrdagi PQ-4068-son qarori ijrosi doirasida amalga oshirilmoqda. Loyiha doirasida do‘mbira yasashning an’anaviy va zamonaviy uslublarini uyg‘unlashtirish, ustoz-shogird maktabini shakllantirish, shuningdek, baxshichilik merosini interaktiv ko‘rgazmalar, audio-video yozuvlar va mahorat darslari orqali keng targ‘ib etish rejalashtirilgan.
Mazkur tashabbus milliy baxshichilik va dostonchilik san’atini saqlash, yosh avlodga yetkazish hamda Termizning turistik jozibadorligini oshirishga xizmat qiladi.
