Ilk kunda ikkita oltin medal

Bahraynda bo‘lib o‘tayotgan III Osiyo yoshlar oʻyinlarida Oʻzbekiston delegatsiyasi musobaqani muvaffaqiyatli boshladi. Kurash dasturida ishtirok etgan hamyurtlarimizdan Otabek Yoʻldoshboyev (-65 kg) va Durdona Tursunova (-70 kg) o‘z vazn toifalarida raqiblarini ishonchli tarzda mag‘lub etib, oltin medallarga sazovor bo‘lishdi.
Final bahslarida Tursunova Qirg‘iziston vakilasini, Yo‘ldoshboyev esa Eron sportchisini yengib, O‘zbekiston delegatsiyasining ilk g‘alabalariga zamin yaratdi. Shu tariqa, Osiyo yoshlar o‘yinlarining dastlabki kunida o‘zbekistonlik sportchilar o‘zlarining yuqori mahorati va g‘alabaga bo‘lgan ishtiyoqini yana bir bor namoyon etdilar.