Muzrabot tumanida Xitoyning “Jiangsu World Machinery Co. Ltd” kompaniyasi ishtirokida 80 million AQSH dollarilik yirik investitsiya loyihasi boshlandi.
Loyiha doirasida 5 ming gektar maydonda tomchilatib sug‘orish texnologiyasi asosida paxta yetishtirish va qayta ishlash yo‘lga qo‘yiladi. Natijada 800 ta yangi ish o‘rni yaratiladi, 10 milliard so‘mlik budjet tushumi hamda 10 million dollarlik eksport hajmi ta’minlanadi.
Viloyat hokimi Ulug‘bek Qosimov tadbirda ishtirok etib, ishlarni belgilangan muddatlarda sifatli amalga oshirish bo‘yicha topshiriqlar berdi.
