Bandixon tumani, “Birdamlik” mahallasida joylashgan kutubxonaga “Ziyoli kelajak” loyihasi doirasida 80 dan ortiq badiiy kitoblar to‘plami topshirildi. Ushbu ezgu tashabbus “Yuksalish” harakati viloyat bo‘linmasi va tadbirkor “Omad” fermer xo‘jaligi rahbari Botir Rajabov hamkorligida amalga oshirildi.
“Kitob — bilim manbayi”, deya bekorga aytilmagan. Zero, inson tafakkuri va tarbiyasining shakllanishida kitobning o‘rni beqiyosdir. Yoshlar badiiy adabiyotlar orqali dunyoqarashini kengaytiradi, hayotga bo‘lgan qarashi o‘zgaradi.
Bu tashabbus nafaqat mahalliy kutubxona fondini boyitdi, balki yosh avlodni ma’rifatga chorlash, ularni kitobga do‘st qilish yo‘lida muhim qadamlardan biri bo‘ldi.
