Oltinsoy tumanidagi Axborot-kutubxona markazida mashhur shoira, “Oltin qalam” mukofoti sovrindori va “Yoshlar” radiokanali muharriri Gulzebo Ibrohimova bilan adabiy uchrashuv tashkil etildi. Tadbirda tuman hokimining o‘rinbosari Malika Xidirova kirish so‘zi bilan ishtirokchilarni kutib olib, uchrashuvni boshqarib bordi.
Uchrashuvda “Xalq va hayot” gazetasi, Sho‘rchi tumani gazetasi, Oltinsoy tumani hokimligi va ta’lim muassasalari vakillari o‘z fikr-mulohazalarini bildirdi. Iqtidorli yoshlar shoira ijodiga oid savollar bilan murojaat qilib, ijod sirlari va she’rlarining yaratilish tarixi haqida ma’lumot oldi.
Gulzebo Ibrohimova yangi she’rlaridan namunalar o‘qib, faol ishtirok etgan yoshlarga “Dil maktablari” kitobini sovg‘a qildi. Uchrashuv yoshlar uchun ijodiy ilhom manbai bo‘ldi.
