Surxondaryo viloyatida fuqarolar bilan ochiq muloqotni yo‘lga qo‘yish va murojaatlarni tizimli hal etishga qaratilgan onlayn qabullar davom etmoqda. Viloyat hokimi Ulug‘bek Qosimov rahbarligida shahar va tumanlar studiyalari orqali navbatdagi ommaviy onlayn qabul bo‘lib o‘tdi.
Yig‘ilishda avvalgi qabullarda kelib tushgan murojaatlarning ijrosi tahlil qilinib, ayrim mas’ullar murojaatlarni lozim darajada o‘rganmagani uchun intizomiy javobgarlikka tortildi.
Qabul davomida 115 nafar fuqaroning 142 ta murojaati tinglandi. Ulardan 34 tasi joyida ijobiy hal etildi, qolganlari esa mas’ullarga biriktirilib, qat’iy nazoratga olindi.
Shuningdek, “Kambag‘allikdan farovonlik sari” dasturi doirasidagi ishlar ham ko‘rib chiqilib, aholi muammolarini manzilli hal etish bo‘yicha chora-tadbirlar belgilandi.
