2025-yil 8-oktyabrda qabul qilingan hukumat qaroriga muvofiq, O‘zbekistonda Yoshlar ishlari agentligi huzurida “Yashil tashabbuslarni qo‘llab-quvvatlash jamg‘armasi” tashkil etildi.
Bu jamg‘arma yoshlarni atrof-muhitni muhofaza qilishga, ekologik toza texnologiyalar va yashil energiyadan foydalanishga ko‘maklashish, chiqindilarni qayta ishlash va daraxt ekish kabi loyihalarni amalga oshirishga qaratilgan tashabbuslarini qo‘llab-quvvatlaydi.
Yashil tashabbuslar yoshlarimizda tabiatga muhabbat uyg‘otadi va mamlakatimizda ekologik barqarorlikni mustahkamlashda faol ishtirokini ta’minlaydi. Bu orqali yoshlarning ijodiy g‘oyalari amaliy qo‘llab-quvvatlanib, barqaror kelajakka yana bir yirik qadam qo‘yiladi.
