2025-yil 8-oktyabrda qabul qilingan yangi qarorga ko‘ra, yoshlar uchun xorijiy tillarni o‘rganish jarayonini moliyaviy qo‘llab-quvvatlash maqsadida “2+6” dasturi joriy etildi.
Bu dasturga muvofiq, yoshlar dastlab 2 oy o‘qish uchun to‘lovni o‘z hisobidan to‘laydi, so‘nggi 6 oyda esa davlat tomonidan to‘lovlar qoplanadi.
Subsidiyalar miqdori hududga qarab farq qiladi: viloyat markazlarida va Qoraqalpog‘istonda — BHMning 1,5 baravarigacha, tuman va shaharlar uchun esa — 1 baravarigacha moliyalashtiriladi.
2025–2026-yillarda 20 ming nafar yosh xorijiy til o‘quv markazlarida ushbu imtiyozdan foydalanadi, va bu raqam har yili oshishi rejalashtirilgan.
Muhimi, faqat elektron platformaga ro‘yxatdan o‘tgan va o‘quvchilarning qatnashuvi onlayn nazorat qilinadigan markazlar dasturda qatnashishi mumkin.
