Qirg‘iziston Respublikasida bo‘lib o‘tgan ko‘zi ojizlar o‘rtasidagi shaxmat bo‘yicha Osiyo chempionatida yurtimiz nomidan ishtirok etgan boysunlik iqtidorli shaxmatchi — Shahriyor Jabborov saralash bosqichida faxrli 1-o‘rinni qo‘lga kiritdi.
Shahriyorning bu g‘alabasi — yurtimiz shaxmatchilari salohiyatining yana bir yorqin namunasidir. Ayniqsa, imkoniyati cheklangan sportchilar o‘rtasida erishilgan bu yutuq, yoshlarimizga kuch, g‘urur va ishonch bag‘ishlaydi.
Eng quvonarlisi, ushbu yutuq orqali Shahriyor Jahon chempionatiga yo‘llanmani ham qo‘lga kiritdi. Endi u global maydonda O‘zbekiston bayrog‘ini baland ko‘tarish imkoniga ega.
