Termiz shahrida kemamodel sporti bo‘yicha O‘zbekiston chempionati yuqori tashkilotchilik darajasida bo‘lib o‘tdi. Musobaqa «Vatanparvar» tashkiloti Markaziy kengashining tavsiyasi va Surxondaryo viloyat kengashi tashabbusi bilan uyushtirildi.
Bellashuvlarda mamlakatimizning 8 ta hududidan kelgan 50 dan ortiq sportchi ishtirok etib, o‘z sinflaridagi kemamodellar yordamida aniqlik va tezlik bo‘yicha kuch sinashtilar.
Yakuniy natijalarga ko‘ra, 1-o‘rinni Toshkent, 2-o‘rinni Farg‘ona, 3-o‘rinni esa Surxondaryo viloyati jamoasi qo‘lga kiritdi. Shu bilan birga, Abdiyev Azizbek, Baxtiyorov Avazbek, Sabitov Mansur va Abdumalikov Ag‘zam individual yo‘nalishlarda eng yaxshi natijalarni ko‘rsatishdi.
G‘olib va sovrindorlar «Vatanparvar» tashkiloti tomonidan diplom, kubok va esdalik sovg‘alari bilan taqdirlandi. Chempionat ishtirokchilari uchun bu tadbir sport mahoratlarini namoyish etish va kelgusi musobaqalarga tayyorgarlik ko‘rishda muhim tajriba maktabi bo‘ldi.
