Surxondaryo viloyat Favqulodda vaziyatlar boshqarmasi tomonidan “Yo‘ng‘indan ogohlik” umumxalq kampaniyasi doirasida amalga oshirilayotgan ishlar izchil davom ettirilmoqda. Kampaniyaning asosiy maqsadi — aholi, ayniqsa, yoshlar o‘rtasida yong‘in xavfsizligi madaniyatini oshirish, ehtiyot choralarini bilish va favqulodda vaziyatlarda to‘g‘ri harakat qilish ko‘nikmalarini mustahkamlashdan iborat.
Shu maqsadda viloyatdagi umumta’lim maktablarida turli amaliy tadbirlar, o‘quv-mashg‘ulotlar hamda profilaktik suhbatlar tashkil etilmoqda. Tadbirlar davomida o‘quvchilarga yong‘in chiqishiga sabab bo‘ladigan omillar, ularning oldini olish choralari, o‘t xavfsizligi qoidalari hamda yordam chaqirish tartibi batafsil tushuntirib berilmoqda.
Amaliy mashg‘ulotlarda evakuatsiya qoidalari, o‘t o‘chirish moslamalaridan to‘g‘ri foydalanish tartibi ko‘rgazmali tarzda namoyish etilmoqda. Shu bilan birga, ta’lim muassasalaridagi yong‘inga qarshi jihozlar holati o‘rganilib, ularni to‘g‘ri saqlash va foydalanish bo‘yicha tavsiyalar berilmoqda.
Favqulodda vaziyatlar boshqarmasi mutaxassislari ta’kidlashicha, bunday tadbirlar nafaqat yoshlarning bilim va ko‘nikmalarini oshiradi, balki jamoat xavfsizligini ta’minlash, yong‘inlarning oldini olishda muhim omil bo‘lib xizmat qiladi.
Yo‘ng‘indan ogoh bo‘lish – bu nafaqat xavfsizlikni, balki tinch va farovon hayotni ta’minlashning muhim kafolatidir.
