Mana bir necha yildirki yurtimizda talaba-yoshlarni sog‘lom hayotga targ‘ib qilish, ularni doimiy sport bilan shug‘ullanishi uchun “Talaba — yugur” ko‘ngillilar yugurish sport musobaqasi o‘tkazib kelinmoqda.
Erta tongdan Termiz shahrida “Talaba — yugur” ko‘ngillilar yugurish sport musobaqasi bo‘lib o‘tdi. Unda vohaning 4 ming nafardan ortiq sport sevar fuqarolari o‘zlarining jismoniy faolliklarini namoyish etdi. Barcha ishtirokchilar 3 kilometrli masofani epchillik va chaqqonlik bilan bosib o‘tib, finishga yetib keldilar. Hakamlar hay’ati ularning harakatlarini munosib baholab bordilar.
Mazkur musobaqada bir qator yo‘nalishlar bo‘yicha g‘olib va sovrindorlar taqdirlandi. Bellashuv yakunida musobaqa peshqadamlari tantanali ravishda rag‘batlantirildi va ularga diplom, medal hamda estalik sovg‘alar topshirildi.
