O‘zbekistonda 2025-yil 1-oktyabrdan bir qator yangiliklar joriy etildi.
Davlat xizmatchilarining xizmat safarlari endi “hrm.argos.uz” tizimidagi yagona modul orqali tashkil etiladi va nazorat qilinadi.
Davlat boshqaruvi akademiyasida rahbarlar va nomzodlar uchun 1 oygacha mo‘ljallangan qisqa muddatli kurslar joriy etiladi.
Sudyalik lavozimiga nomzodlar Odil sudlov akademiyasida 6 oylik qayta tayyorlash kurslarida davlat granti asosida o‘qitiladi, stipendiya bilan ta’minlanadi.
“Yashil makon” loyihasida mablag‘ sarfi ochiq bo‘lib, “har bir tiyin sarflanishi kuzatish” tamoyili asosida onlayn e’lon qilinadi.
Pensiya xizmatlari Face-ID orqali biometrik identifikatsiya asosida ko‘rsatiladi.
“Yagona darcha” bojxona tizimi kengaytiriladi — barcha sertifikat va ruxsatnomalar faqat shu tizim orqali rasmiylashtiriladi.
Oq shakarga aksiz solig‘i bekor qilinadi.
Bu o‘zgarishlar davlat boshqaruvi, sud-huquq tizimi, ekologiya, pensiya va bojxona sohalarida samaradorlik hamda shaffoflikni oshirishga xizmat qiladi.
