Yaponiyaning Tokoname shahrida bo‘lib o‘tgan “Tourism Expo Japan 2025” xalqaro turizm ko‘rgazmasida Surxondaryo viloyati o‘zining boy tarixiy merosi, madaniy qadriyatlari va zamonaviy turistik imkoniyatlarini keng targ‘ib qildi.
O‘zbekiston uchun ajratilgan pavilonda Surxondaryoning qadimiy obidalari, milliy urf-odatlari, an’anaviy liboslari va diqqatga sazovor maskanlari haqida batafsil ma’lumotlar taqdim etildi. Bu esa ishtirokchilarda katta qiziqish uyg‘otdi.
Ko‘rgazma doirasida viloyat delegatsiyasi Yaponiyaning rivojlangan turizm infratuzilmasi bilan yaqindan tanishdi, xalqaro turoperatorlar va yirik turistik kompaniyalar vakillari bilan uchrashuvlar o‘tkazildi. Muzokaralar yakunida o‘nga yaqin hamkorlik shartnomalari va memorandumlar imzolandi.Viloyatimiz delegatsiyasining mazkur nufuzli anjumandagi ishtiroki viloyat turizm salohiyatini jahon miqyosida targ‘ib qilish, xorijiy sayyohlarni jalb etish hamda hududning investitsiyaviy jozibadorligini yanada oshirishga xizmat qilishi bilan ahamiyatlidir.
