Termiz iqtisodiyot va servis universitetida talabalarni vatanparvarlik ruhida tarbiyalash hamda jamoat tartibini saqlashga faol jalb etish maqsadida tashkil etilgan “Qalqon” jamoatchilik guruhiga qabul jarayonlari o‘z nihoyasiga yetdi.
Saralash bosqichlarida qatnashgan talabalar jismoniy tayyorgarlik darajasi, bilim va salohiyatlari bo‘yicha sinovdan o‘tkazildi. Imtihon natijalari asosida eng faol va munosib talabalar tanlab olindi. Tanlovdan muvaffaqiyatli o‘tgan yoshlar bilan uchrashuv o‘tkazilib, ularga”Qalqon” jamoatchilik guruhini tashkil etish va faoliyatini takomillashtirish bo‘yicha nizom talablari, a’zolarning huquq va majburiyatlari batafsil tushuntirib berildi.
Shuningdek, jamoatchilik guruhi faoliyatida intizom, mas’uliyat va hamkorlikning muhimligi alohida ta’kidlandi.
