So‘nggi yillarda sud qarorlarini ijro etish tizimini takomillashtirish bo‘yicha ko‘plab ishlar amalga oshirildi. Shu jarayonda sud qarorlari o‘z vaqtida va to‘liq bajarilishini ta’minlash uchun yangi mexanizm – “kafolat mablag‘i kiritish” tartibi joriy etildi.
Endilikda mulkiy tusdagi sud qarori ijro etilishi kafolat mablag‘i orqali ta’minlanadi. Ya’ni qarzdor majburiyatni bajarish uchun majburiy ijro organining depozit hisobiga pul mablag‘ini kiritishi kerak bo‘ladi.
Bu tartib ijro ishini vaqtincha to‘xtatib turish, qarzdorga qo‘yilgan cheklovlarni bekor qilish imkonini beradi.Kafolat mablag‘i 20 kun davomida ijro organi hisobida saqlanadi. Agar shu muddat ichida sud qaroridan shikoyat qilinmasa, mablag‘ undiriladi. Aks holda, shikoyat muddati tugaguncha mablag‘ saqlanib turadi.
Ushbu mexanizm sud qarori foydasiga chiqarilgan shaxslarning huquqlarini ishonchli himoya qilishga xizmat qiladi.
M.Mirxamidov,
Bosh prokuratura boshqarmaboshlig‘i o‘rinbosari
