Termiz davlat universiteti professor-o‘qituvchilari va ishchi-xodimlari “O‘zbekiston bo‘ylab sayohat qil!” dasturi doirasida poytaxtimiz bo‘ylab madaniy-ma’rifiy sayohat uyushtirishdi. Sayohat davomida jamoa tarixiy obidalar va diqqatga sazovor joylarga tashrif buyurdi. Mustaqillik yillarida bunyod etilgan zamonaviy inshootlar bilan yaqindan tanishdi.
Madaniyat maskanlari va ziyoratgohlar bilan birga, koʼngilochar manzillarda boʼlib, attraksionlarda uchishdi. Professor-o‘qituvchilar va xodimlarning sayohat xarajatlari universitet kasaba uyushmasi tomonidan ta’minlandi. Ushbu sayohat TerDU jamoasi uchun nafaqat maroqli hordiq, balki tariximiz va ma’naviyatimizga boy muhitda bo‘lish imkonini ham yaratdi.
