Savdogar

— Aka, men halol odamman, birovning rizqini yemaganman, yemayman ham.

Shunday deb savdogar qo‘lidagi pullar orasidan bir siqimini bildirmasdan sug‘urib oldi. Sigirini sotgan bir qo‘li yo‘q otaxon miyig‘ida kuldi:

— O‘g‘lim, sizdaqalar ko‘paysin, men bir majruh odamman-da, bir qo‘lda pul sanab o‘tirmayman, sizga ishondim.

U qo‘ltig‘iga qistirilgan pullarini olib jim ketaverdi.

Nuriddin Ziyo