Termiz davlat universitetida viloyat Favqulodda vaziyatlar boshqarmasi xodimlari tomonidan “Zilzila oqibatida yuzaga kelishi mumkin boʻlgan favqulodda vaziyatlarda obyekt tuzilmalarining toʻgʻri harakati” mavzusida profilaktik tadbir tashkil etildi. Unda professor-o‘qituvchilar va talabalarga tabiiy hamda texnogen koʻrinishdagi favqulodda vaziyatlarda to‘g‘ri harakatlanish bo‘yicha tushuntirishlar berildi.
Shuningdek, xavfsizlik qoidalariga oid eslatmalar tarqatildi va kuz-qish mavsumini talafotlarsiz, xavfsiz o‘tkazish yuzasidan zarur tavsiyalar berildi.
Shundan soʻng, maxsus taktik oʻquv mashqiga start berildi. Bunday tadbirlar talaba-yoshlar va pedagog-xodimlarning ogohligini oshirish, favqulodda vaziyatlarning oldini olishda muhim ahamiyat kasb etadi.
