Boysun tumanining “Mustaqillik” mahallasida joylashgan 6-son Bolalar musiqa va san’at maktabida “Insonning huquq va erkinliklarini ta’minlash – davlatning oliy maqsadidir” mavzusida navbatdagi Ombudsman maktabi tadbiri bo‘lib o‘tdi.
Tadbir O‘zbekiston Respublikasi Oliy Majlisi Senatining 2025-yil 19-martdagi yalpi majlisi qarorining ijrosini ta’minlash maqsadida aholining huquqiy xabardorligini oshirish, inson huquq va erkinliklari sohasidagi islohotlar haqida keng jamoatchilikka ma’lumot berish, shuningdek, mahallalarda huquqiy targ‘ibotni kuchaytirish maqsadida tashkil etildi.
Ma’ruzachilar tomonidan “Kiberjinoyatchilik va moliyaviy firibgarlik: shaxsga doir ma’lumotlarni o‘g‘irlash, plastik kartalardagi mablag‘larni o‘zlashtirish va hisob-raqamlarga kiberxujumlar orqali amalga oshirilayotgan jinoyatlarning oldini olish choralari”, “Xususiy sektorda mehnat munosabatlarini tartibga solish: ish beruvchi va xodim o‘rtasidagi huquqiy munosabatlar va mehnat qonunchiligidagi asosiy talablar” mavzularida maʼruzalar qilindi.
Shuningdek, “Mehnat migratsiyasi masalalari: O‘zbekiston fuqarolarini xorijda tashkillashtirilgan tarzda mehnat faoliyatiga yuborish tartiblari va bu borada qabul qilingan qonun hujjatlarining mazmun-mohiyati” tushuntirildi.
Yakunda ishtirokchilar o‘zlarini qiziqtirgan savollarga javob olishdi va huquqiy masalalar yuzasidan amaliy tavsiyalar berildi.
