Yurtimizda aholiga qulay turar joylar yaratish, mahallalarning shaharsozlik qiyofasini yangilash maqsadida renovatsiya dasturlari keng ko‘lamda amalga oshirilmoqda. Surxondaryo viloyati hokimi Ulug‘bek Qosimov Sherobod tumanidagi tashrifi davomida Kattahayot mahallasida qad rostlayotgan 7 qavatli uylar qurilishi jarayonini ko‘zdan kechirdi. Qurilish sifatini oshirish va ishlarni jadallashtirish bo‘yicha ko‘rsatmalar berildi.
Shuningdek, mahallada 90 o‘rinli maktabgacha ta’lim muassasasi qurilishi loyihasi taqdim etilib, bog‘cha bunyodkorligini boshlash yuzasidan topshiriqlar berildi. Tashrif davomida M-39 avtomagistrali bo‘yida hamda Taroqli mahallasida barpo etilishi rejalashtirilgan uy–joy va savdo majmualari loyihalari muhokama qilindi.
Viloyat hokimi loyihalardagi sustkashliklarni bartaraf etish, ishlarni tezlashtirish va takomillashtirish yuzasidan mutasaddilarga topshiriqlar berdi.
