Imom Termiziy xalqaro ilmiy-tadqiqot markazi hamda “Zakovat intellektual klubi” hamkorligida viloyat imom-xatib va imom-noiblaridan tashkil topgan jamoalar o‘rtasida “Zakovat” intellektual bellashuvi bo‘lib o‘tdi.
Unda viloyat bosh imom-xatibi R.Abdullauyev, viloyat hokimining jamoat va diniy tashkilotlar bilan aloqalar bo‘yicha o‘rinbosari kotibiyat mudiri R.Choriyev, shahar va tuman imom-xatiblari hamda keng jamoatchilik ishtirok etdi.
Bellashuvda viloyatning 15 ta hududidan 10 ta jamoa ishtirok etdi. Yakuniy natijalarga ko‘ra bellashuvda Jarqo‘rg‘on tumani imom-xatib va imom-noiblaridan tashkil topgan “Sulton Saodat” jamoasi g‘olib deb topildi. G‘olib jamoa a’zolari O‘zbekiston musulmonlari idorasi viloyat vakilligining faxriy yorliq va esdalik sovg‘alar bilan taqdirlandilar.
