Mamlakatimizda tabiiy gaz ta’minotini yaxshilash borasida bir qator muhim ishlar amalga oshirilmoqda. Shuningdek, qishloq joylariga va sanoat korxonalariga tabiiy gaz yetkazib berish koʻlami kengaymoqda. Bu esa iqtisodiy faollikni oshirishga yordam beradi.
Xususan, Davlatimiz rahbarining 2025-yil, 1-apreldagi PK-133 sonli qarori ijrosini ta’minlash borasida Termiz tumanining Uchqizil mahallasida Bosh prokuratura huzuridagi Majburiy byurosi mas’ul xodimi A. Karimov va ishchi guruh a’zolari ishtirokida aholining tabiiy gaz ta’minotini yaxshilash hamda Yangiobod mahallasida barpo etilayotgan “Yangi O’zbekiston’’ massivini elektr energiyasi bilan ta’minlash ishlari oʻrganildi.
Bundan tashqari, energiya resurslaridan samarali foydalanish, mavjud kamchiliklarni bartaraf etish hamda noqonuniy holatlarning oldini olish bo‘yicha aniq tavsiya va topshiriqlar berildi.
D.Mahmudova
