Jinoyatchilikka moyil hududlarda huquqbuzarliklarni oldini olish va aniqlash maqsadida dronlardan foydalanish boshlandi.
Ichki ishlar organlari huquqbuzarliklar xavfi yuqori hududlarda bezorilik, ekologiya va giyohvandlikka oid qonunbuzarliklarni oldini olish hamda nazorat qilish maqsadida dronlardan foydalanmoqda. Bu tashabbus Prezident Shavkat Mirziyoyevning 2024-yildagi hududga tashrifi chog‘ida berilgan topshiriq asosida amalga oshirilgan.
Hozirda 5 ta viloyatdagi 84 bo‘linma dronlar bilan ta’minlangan. 2026-yil oxiriga qadar mamlakatdagi barcha tuman va shahar ichki ishlar bo‘linmalari dronlar bilan to‘liq jihozlanishi rejalashtirilgan.
Dronlar asosan mayda bezorilik, ekologik qonunbuzarliklar, giyohvandlik vositalari bilan bog‘liq holatlarni hamda xavfli hududlardagi huquqbuzarliklarni nazorat qilish uchun qo‘llanilmoqda. Shu bilan birga, dronlarni boshqarish bo‘yicha kadrlar tayyorlash tizimi yo‘lga qo‘yilgan.
