Novosibirsk viloyati gubernatorining taklifiga binoan, Surxondaryo viloyati delegatsiyasi “Texnosanoat – 2025” XII Xalqaro texnologik rivojlanish forumida ishtirok etdi.
Forum doirasida 7 yo‘nalish bo‘yicha 100 dan ortiq seminar, trening va davra suhbatlari tashkil etilgan bo‘lib, viloyatimiz vakillari o‘z sohalariga oid tadbirlarda faol boʻlishdi.
Forum doirasida o‘tkazilgan muzokaralar davomida teletibbiyot va onlayn konsultatsiyalar, mutaxassislarning onlayn ma’ruzalarini tashkil etish hamda ikki viloyat oliygohlari o‘rtasida qo‘shma ta’lim dasturlarini ochish, talabalar va o‘qituvchilar almashinuvini yo‘lga qo‘yish bo‘yicha kelishuvlarga erishildi.
Bundan tashqari, vohamiz tadbirkorlari ko‘rgazmada qatnashgan yirik ishlab chiqarish korxonalari bilan xomashyo ta’minoti va mahsulotlarni eksport qilish masalalari bo‘yicha muzokaralar olib bordilar.
