Mustaqilligimizning 34 yilligiga bagʻishlab joylarda mahalla binolari, maktab va bogʻchalar, sport maydonlari foydalanishga topshirilayotgani barchada bayram kayfiyatini uygʻotmoqda. “Yuksalish” harakati Surxondaryo viloyati boʻlinmasi Bandixon tuman hokimligi bilan hamkorlikda saxovatpesha tadbirkor “Zulfiqorov Nuriddin” MCHJ rahbari Mubiddin Xudoyberdiyev tomonidan Bandixon tumani “Navbahor” mahallasi aholisiga ichimlik suvi chiqarildi.
“Shu vaqtga qadar ichimlik suvini 2-3 kilometr uzoqlikdan tashib qiynalib, keltirib ichardik. Bugun qarangki, hovlimizga ichimlik suvi yetib keldi. Biz buni orzu qilgan edik. Mahallamizga ichimlik suvi kelishi yurtimizga yaqinlashib kelayotgan mustaqillik bayramiga toʻyona boʻldi” deydi – mahalladagi nuroniy Abdullo bobo Boboyev”
